Гомель
+30°C

Адрес редакции: 246047, г. Гомель, ул. Димитрова, 57

Як стварыць старажытны саламяны абярэг

Аб гэтым даведаліся юныя жыхары Старой Беліцы, удзельнікі клуба “Карамелька”, які дзейнічае пры Старабеліцкім клубе-бібліятэцы, і вучні Аздзелінскага дзіцячага сада – базавай школы падчас экскурсіі ў філіял Веткаўскага музея стараабрадніцтва і беларускіх традыцый імя Ф. Р. Шклярава.

Супрацоўнікі музея правялі для дзяцей цікавую экскурсію, расказалі пра гісторыю роднага краю. Таксама арганізавалі майстар-клас па пляценню аднаго са старажытных абярэгаў — саламянага “павука”, які адначасова быў і сімвалам працавітасці, таму на майстар-класе па яго вырабу ніхто не ленаваўся.

Пакуль дзеці рабілі першага ў жыцці “павука”, экскурсавод расказала, што існуе нямала форм і варыяцый яго выканання — ад простага ў выглядзе ромбіка да мудрагелістага, з мноствам дэталяў і аздабленняў, таксама сплеценых з саломкі. Па вераванням, “павукі”, як і павуцінне, збіраюць адмоўную энергію — ад злога слова, хцівага погляду, нядобрай думкі. Таму раз у год “павука”, які забраў усё адмоўнае, на свята Нараджэння Хрыстова спальвалі, а на яго месца вешалі новы, сплецены с саломкі новага ўраджаю.

— Асноўная задача гэтага майстар-класа — захаваць і працягнуць традыцыю вырабу саламяных “павукоў”, — расказала адна з арганізатараў экскурсіі ў музей і Гомельскі палаца-паркавы ансамбль, дырэктар Азделінскага дзіцячага сада – базавай школы Ірына Быкаўцава.

5456hytgh.jpg

678hjytui78.jpg

56657hyjjjy.jpg

 

Вучням было цікава паслухаць экскурсавода, яны з за-хапленнем сплялі свае першыя “павучкі” і за гэта сказалі “вялікі дзякуй!” супрацоўнікам музея.

— Вельмі ўсё спадабалася! Таму мы вырашылі працягнуць знаёмства з рознымі відамі рукадзелля і наведаць майстар-клас яшчэ раз — навучыцца рабіць фенечкі з каляровых нітак, — адзначыла другі арганізатар экскурсіі, загадчык Старабеліцкага клуба-бібліятэкі Ларыса Грыгарэнка.                              

Ірына ГАЛАВАЧОВА.

Фота Ларысы ГРЫГАРЭНКА.

Прочитано 1790 раз
Авторизуйтесь, чтобы получить возможность оставлять комментарии

Популярное

Архив

« Июль 2019 »
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31