Гомель
+30°C

Адрес редакции: 246047, г. Гомель, ул. Димитрова, 57

Жыхары і госцi пасёлка Мірны адзначылi традыцыйнае свята малой радзімы

Жыхароў і гасцей пасёлка Мірны Даўгалескага сельсавета запрасілі на традыцыйнае свята малой радзімы. Святочны настрой для вяскоўцаў стваралі дырэктар Міхалькоўскага дома культуры Галіна Малчанава, якая адначасова была і вядучай, а таксама ўдзельнікі ансамбля народнай песні “Медуніца” гэтай жа ўстановы культуры (мастацкі кіраўнік Віктар Катляроў).

— Сёлета мы вырашылі аддаць даніну павагі людзям працы, таму на працягу свята гучалі менавіта іх імёны, — расказала Галіна Малчанава.

Не адно дзесяцігоддзе аддалі мясцовай гаспадарцы Еўфрасіння Чуяшова, Паліна Саламаха, якія працавалі на звераферме. Наталля Цыкунова была чабаном — у Мірным колісь разводзілі авечак, Надзея Клімовіч загадвала малочным блокам. Мікалай Саламаха, Марыя Дзічанкова і яшчэ нямала імён назвала вядучая свята, якая сказала словы падзякі былым жывёлаводам за іх добрасумленную працу.

Не абыйшлі ўвагай і шматдзетныя сем’і Наталлі Цыкуновай, Таццяны Бусленка, Пятра Закружнага. Іх дзеці ўжо сталі дарослымі, самастойнымі людзьмі, гонарам старых бацькоў і прыкладам для сваіх дачок і сыноў. У іх лік трапіла і сям’я сына Пятра Фёдаравіча Сяргея і ягонай жонкі Марыі. 

Словы падзякі за захаванне гісторыі пасёлка і яго традыцый выказалі ў адрас старажылаў Мірнага. Еўфрасінні Чуяшовай споўнілася ўжо 98 гадоў, Паліне Саламаха пайшоў 94-ты, а Наталлі Цыкуновай — каля 80-ці. Усе яны рады расказаць пра сваіх аднавяскоўцаў, іх справы і дасягненнні. А іх было нямала — у былыя гады працоўныя спаборніцтвы і абавязацельствы былі важным аспектам жыцця. Людзі аддана працавалі, бо ведалі, што ад іх добрасумленнасці залежыць канчатковы вынік работы і дабрабыт роднай гаспадаркі.

— Нягледзячы на тое, што жыхары Мірнага ў асноўным людзі пенсійнага ўзросту, свае падворкі трымаюць у парадку, клапоцяцца, каб яны былі дагледжаныя і радавалі вока рознаквеццем. За гэта ўсім вам асабістае “Дзякуй!”, — дадала вядучая свята.

Жыхарам Мірнага спадабалі-ся свята і канцэрт, які для іх падрыхтавалі ўдзельнікі “Меду-ніцы”. Яны запрасілі наведаць іх гасцінны край яшчэ, парадаваць песнямі і падарыць добры настрой.

Ірына ГАЛАВАЧОВА

Фота прадастаўлена Галінай МАЛЧАНАВАЙ

Прочитано 83 раз
Авторизуйтесь, чтобы получить возможность оставлять комментарии

Популярное