Гомель
+30°C

Адрес редакции: 246047, г. Гомель, ул. Димитрова, 57

Купалаўскі тэатр прыехаў на Палессе

У незвычайнае турнэ 7 ліпеня адправіўся Нацыянальны акадэмічны тэатр імя Янкі Купалы. Гэта стала магчымым пры падтрымцы Міністэрства культуры Рэспублікі Беларусь і кампаніі velcom.

У Калінкавічах адбыліся экск-люзіўныя паказы спектакля «Радзіва «Прудок». А перад паказам акцёрскі і аўтарскі калектыў завітаў у Мазыр на сустрэчу з прадстаўнікамі СМІ.

Адна з найбольш яскравых прэм’ер бягучага тэатральнага сезона была прадэманстравана ў 20 кіламетрах ад вёскі Прудок, якую зрабіў знакамітай пісьменнік Андрусь Горват.

— Гэты паказ для нас, ства-ральнікаў спектакля, акцёраў, якія ў ім граюць, — быў не менш хвалюючай падзеяй, чым прэм’ера. Нам належала прадставіць увасобленыя намі вобразы прудкоўцаў перад іх рэальнымі прататыпамі, на малой радзіме Анд-руся Горвата. Мы шчыра ўдзячныя кожнаму гледачу за сардэчны прыем, увагу і натхненне, — адзначыў рэжысёр спектакля Раман Падаляка.

Нягледзячы на тое, што пастаноўка спектакля паводле дзённікавых запісаў задумвалася як эксперымент, першыя паказы ў Мінску карысталіся такім поспехам, што Купалаўскі тэатр вырашыў уключыць «Радзіва «Прудок» ў пастаянны рэпертуар. Наступная магчымасць убачыць спектакль будзе ўжо ў пачатку восені: паказы адбудуцца на камернай сцэне Нацыянальнага акадэмічнага тэатра імя Янкі Купалы 16, 20 i 30 верасня. Квіткі паступяць у продаж у бліжэйшы час. Набыць іх можна будзе ў касах тэатра або анлайн. Даведацца больш аб паказе і сачыць за навінамі праекта можна на сайтах velcom.by і kupalauski.by.

Падрыхтавала Кацярына Раманава.

Фота прадастаўлена Алінай БУРАЙ.

Прочитано 44 раз
Авторизуйтесь, чтобы получить возможность оставлять комментарии

Популярное