Мы в соцсетях

Гаспадаркі раёна прыступілі да масавай пасяўной кампаніі. Сярод першых на палеткі на мінулым тыдні выйшлі земляробы ААТ “Сцяг Радзімы”. Да іх падключыліся працаўнікі КСУП “Урыцкае”. З пачатку гэтага тыдня пасяўныя агрэгаты вывелі на палеткі механізатары ААТ “Гомельская птушкафабрыка” і УСП “СлаўМол”. З серады да сяўбы прыступілі аграрыі ААТ “Агракамбінат “Паўднёвы” і ААТ “Саўгас-камбінат “Сож”. Паводле аператыўных дадзеных упраўлення сельскай гаспадаркі і харчавання Гомельскага райвыканкама, па стане на 11 красавіка сяльгаспрадпрыемствамі раннімі яравымі і зернебабовымі культурамі з 5115 гектараў засеяна 552, што складае 11 працэнтаў ад запланаванага.

Увогуле ж сёлета ў раёне яравы клін складае 28711 гектараў. Найбольшы аб’ём работ неабходна выканаць земляробам УСП “СлаўМол”. Тут пасяўныя плошчы складаюць 4309 гектараў. Гэта найбольшая ў раёне плошча. З іх на раннія яравыя і зернебабовыя культуры прыходзіцца 1265 гектараў. Першым у глебу легла насенне аўсу. Мясцовыя аграрыі не адыйшлі ад праверанай часам і вопытам сялянскай мудрасці: “Сей авёс у гразь — будзеш князь!”. З 350 гектараў, адведзеных ў гаспадарцы пад гэтую культуру, на сённяшнюю раніцу было засеяна 150 гектараў.Такім чынам, 2 пасяўнымі агэгатамі ў “СлаўМоле” літаральна за 2 дні закрыта амаль што палавіна задання па высеву аўсу.

Працяг матэрыяла ў газеце “Маяк” ад 14 красавіка і абнаўленнях нашай электроннай версіі. 

Аляксандр РАМАШОЎ

Фота Аляксея НАРЭЙКІ

Раннімі яравымі і зернебабовымі культурамі з 5115 гектараў засеяна 552
Прочитано 903 раз
Авторизуйтесь, чтобы получить возможность оставлять комментарии

Популярное

Архив

« Март 2024 »
Пн Вт Ср Чт Пт Сб Вс
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Яндекс.Метрика