Права правесці святочнае мерапрыемства атрымала адна з лепшых гаспадарак раёна — ААТ “Птушкафабрыка “Рассвет”.
— Сёння ў нашым раёне афіцыйна стартуюць вясенне-палявыя работы, — сказаў першы намеснік старшыні – начальнік упраўлення сельскай гаспадарцы і харчавання райвыканкама Аляксей Жарнасекаў. — Працаваць прыйдзецца ў напружаным рэжыме. Хаця сяўба зерневых культур падоўжыцца няшмат дзён — плошчы складаюць толькі 4180 гектараў, а восенню былі пасеяны азімыя на 15600 гектарах. Аднак пасля зерневых наступіць час кукурузы. Гэтую культуру плануецца высадзіць на плошчы ў 20 тысяч гектараў, з якіх каля 8 тысяч будзе складаць кукуруза на зерне. Перад аграрыямі раёна стаіць няпростая задача — атрымаць ураджай зерневых культур разам з кукурузай на зерне не менш 100 тысяч тон.
З віншавальнымі словамі да хлебаробаў гаспадаркі звярнуліся намеснік дырэктара па ідэялагічнай рабоце ААТ “Птушкафабрыка “Рассвет” Вікторыя Прыходзька, а таксама старшыня раённай арганізацыі Беларускага прафсаюза работнікаў аграпрамысловага комплексу Аляксандр Грынькоў. Ён уручыў лепшым механізатарам гаспадаркі падарункі з прафсаюзнай сімволікай.
Падрабязнасці свята шукайце ў бліжэйшым нумары газеты “Маяк”.
Алег ДУБАВЕЦ, Аляксандр РАМАШОЎ
Фота Марыны БАШУРАВАЙ
355
