×

Предупреждение

JLIB_APPLICATION_ERROR_COMPONENT_NOT_LOADING

“Як ішла Сула дай уздоўж сяла. Ой, і я велю, дай уздоўж сяла”. Менавіта з гэтых слоў пачынаецца знаёмая амаль ўсім жыхарам Маркавіч абрадавая песня “Як ішла Сула”. У гэтай вёсцы і дзеці, і дарослыя на працягу дванаццаці гадоў прымаюць удзел у свяце, якое адзначаецца на другі дзень Вялікдня. Мэта свята — пажаданне добрага ўраджаю.

Абрад Сула пачынаецца пасля богаслужэння ў Свята-Кацярынінскай царкве ў вёсцы Гадзічава. Там збіраюцца ўсе ўдзельнікі і заводзяць карагод. З песнямі яны рухаюцца па ўсёй вёсцы, дзе на кожным скрыжаванні заводзіцца “А ў крывога танка” — асабістая песня — каб маланка не кранала дамоў. Дарослыя жанчыны падкідваюць маленькіх дзяўчынак да неба са словамі: “Вялікая расці!”. Малыя дзеці сімвалізуюць зерне, якому патрэбна сонца, каб вырасці. Таму, усё у гэтым мерапрыемстве мае свой сэнс.

Яўгенія Каўшарова прымае ўдзел у абрадзе каля васьмі гадоў. Яшчэ маленькай дзяўчынкай яе таксама падкідвалі, а сёння яна пераняла ўжо эстафету. Як прызналася Жэня, яна верыць, што Сула ахоўвае жыхароў і, мабыць, дапамагае дзяўчынам расці прыгожымі. На дзіва, у Маркавічах сапраўды вельмі спраўныя жанчыны.

— Я ніколі не прапускаю Сулу, — расказвае мясцовая жыхарка Зінаіда Кушнярова, — гэта не толькі цікавы, але і вельмі добры абрад. Песні, танцы і карагоды — гэта спадчына продкаў. Вось яшчэ ніколі за дванаццаць гадоў у мяне не было дрэннага ўраджаю. Заўсёды ўсё уродзіць, бы на дражджах растуць і бульба, і морква, і буракі. 

Каля Маркавіцкага сельскага дома культуры, пасля таго, як абрад скончыўся, пачаўся канцэрт, які быў арганізаваны Цэнтрам культуры Гомельскага раёна. Гасцей і мясцовых жыхароў сваім выступленнем парадавалі  народны фальклорны ансамбль “Гамонка” (Новая Гута), Віктар Задарожны і іншыя.

У гэтым годзе на Сулу прыехалі навучэнцы спецыялізаванага ліцэя пры Універсітэце грамадзянскай абароны Міністэрства па надзвычайных сітуацыях Рэспублікі Беларусь. Як расказалі хлопцы, ім спадабалася свята, амаль кожны ў такім мерапрыемстве прымаў удзел упершыню. З цікавасцю курсанты вучыліся танцаваць, а майстар-клас па вясеннім карагодам правяла спецыяльны госць — Міра Шумігай, якая прыехала з Алтая.

Ужо стала добрай традыцыяй цырымонія, падчас якой актывіст і адзін з арганізатараў свята Віктар Шыпкоў узнагароджвае падзякамі сяброў за актыўны ўдзел у адраджэнні і правядзенні рэгіянальнага фаль-клорна-этнаграфічнага свята. Гэты год не стаў выключэннем, але да гэтай падзеі таксама далучылася раённая арганізацыя БРСМ.

Ішла Сула, дай уздоўж сяла
Прочитано 905 раз
Авторизуйтесь, чтобы получить возможность оставлять комментарии

Популярное

 

Архив

« Июль 2022 »
Пн Вт Ср Чт Пт Сб Вс
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Яндекс.Метрика